Lëvizjet e fundit, Dallandyshe Bici largohet nga Kadastra, emërohet kryeinspektore në IKMT
E Mërkurë 31 Korrik 2024, 11:01
TiranaPost
Pas lëvizjeve në kabinetin qeveritar të bëra gjatë Kongresit të Partisë Socialiste, lëvizjet kanë vijuar edhe në instancat më poshtë.
Dallëndyshe Bici është larguar nga drejtimi i Agjencisë Shtetërore të Kadastrës dhe është emëruar kryeinspektore e IKMT-së.
Këtë pozicion e mbante Ervin Hoxha, i sapoemëruar ministër i Brendshëm.
Ndërkaq në krye të Agjencisë Shtetërore të Kadastrës, ku Bici qëndronte prej 9 marsit të 2023-shit është emëruar Lorena Goxhobelli.
Lorena Goxhobelli
Goxhobelli vjen nga Ministria e Mbrojtjes, ku shërbente si këshilltare e jashtme ligjore për pronësinë në kabinetin e ministrit që prej qershorit të vitit 2022.
