Kreu i SPAK Altin Dumani thotë se asnjëherë nuk ka ndjerë ndonjë presion nga politika
E Premte 26 Maj 2023, 13:24
TiranaPost
Nga Kominisioni i Ligjeve ku po raporton mbi veprimtarinë e SPAK, kreu Altin Dumani u është përgjigjur akuzave mbi ndikimin e politikës në këtë institucion.
I pyetur nga Dhurata Çupi, Dumani shprehet se nuk ka ndjerë asnjëherë presion nga politika dhe as nga akuzat e opozitës, për të cilët shprehet se “kushdo do të bëjë punë e vet”.
“Kemi një kornizë kushtetuese dhe ligjore që na garanton pavarësi të plotë nga politika. De fakto, ju garantoj se çdo prokuror mund të ushtrojë funksionet e tij i pavarur. Unë në punën time as e kam ndjerë dhe as e ndjej presionin që mund të bëhet nga politika.
Patjetër që politika ka punën e vet, do na sulmojë, por rëndësi ka të mos ndikohemi në vendimmarrje. Këtë jua garantoj, çdo prokuror është i pavarur në ushtrimin e funksioneve të tij”, tha Dumani.
