'Free Palestine’, protestë në Tiranë për sulmet e Izraelit
E Shtunë 15 Maj 2021, 20:07
TiranaPost
Një grup qytetarësh kanë dalë pasditen e sotme të Sheshin Skënderbej në formë proteste dhe ndërgjegjësimi për t`i thënë ‘Jo’ luftës mes Izraelit dhe Palestinës.
“Free Palestine”, “Jam Palestina a po më dëgjon”, “Stop Gjenocidit, lironi Palestinën”, janë disa nga parullat që mbanin në duar.
Sulmet mes dy vendet kanë nisur që prej ditës së hënë dhe deri tani raportohen 139 palestinezë të vdekur dhe 13 izraelitë. Civilë dhe fëmijë kanë rënë pre e sulmeve. Zyrat e mediave Associated Press dhe Al Jazeera janë shkatërruar.
Tensionet më të mëdha kanë qenë në Rripin e Gazës.