Foto/ Kuqezinjtë i dedikojnë fanellën fizioterapistit të skuadrës, të shtruar me Covid në spital
E Mërkurë 8 Shtator 2021, 21:46
TiranaPost
Fizioterapisti prej më shumë se 30 vitesh i Kombëtares Shqiptare Ylli Mihali, po kalon momente të vështira shëndetësore. Në media flitet se prej disa ditësh ai është shtruar në spital pas infektimit me koronavirus.
Në shenjë suporti dhe mbështetje për të, futbollistët shqiptarë u shfaqën në ndeshjen e sotme me fanellat veshur ku shkruhej: Forca Ylli, mos u dorëzo!
Burime nga FSHF kanë treguar se Ylli Mihali aktualisht ndodhet në gjendje të stabilizuar, por po mbahet nën monitorim për shkak të infektimit dhe rreziqet që shkakton.
Në minutën ’32 Shqipëria me futbollistin Rei Manaj shënoi gol kundër ekipit të San Marinos, duke fituar epërsinë që në pjesën e parë të ndeshjes.
*Tiranapost.al.