Hackerat më shumë se një vit akses në rrjet para së të sulmonin! Ja çfarë thonë raportet e FBI për rastin e Shqipërisë
E Enjte 22 Shtator 2022, 10:45
TiranaPost
FBI dhe Agjencia e Sigurisë Kibernetike(CISA) kanë zbërthyer skemën e sulmeve kibernetike në Shqipëri.
Në një deklaratë të tyre theksohet se sulmuesit kishin akses në rrjet 14 muaj para sulmit dhe shfrytëzuan postën elektronike.
Deri në qershor 2022 hakerët siguruan kredencialet nga rrjetet dhe në korrik 2022 lancuan ransomëare(viruse) në rrjete. Kur mbrojtësit e rrjetit i identifikuan dhe filluan t’i përgjigjen aktivitetit të ransomëare, aktorët kibernetikë vendosën një version të malware(virus) shkatërrues ZeroCleare. Sulmi i shtatorit ishte hakmarrje për prishjen e raporteve mes Shqipërisë dhe Iranit.
Në qershor 2022, HomeLand Justice krijoi një faqe interneti dhe profile të shumta të mediave sociale që postonin mesazhe anti-MEK. Më 18 korrik 2022, Drejtësia e Atdheut mori meritën për sulmin kibernetik ndaj infrastrukturës së qeverisë shqiptare. Nga fundi i korrikut deri në mesin e gushtit 2022, llogaritë e mediave sociale të lidhura me HomeLand Justice reklamuan informacionet e Qeverisë, duke postuar një sondazh ku iu kërkonte të anketuarve të zgjidhnin informacionin që do të publikohej nga HomeLand Justice, dhe më pas duke e publikuar atë informacion.
Në shtator 2022, aktorët kibernetikë iranianë nisën një valë tjetër sulmesh kibernetike kundër Qeverisë së Shqipërisë, duke përdorur TTP dhe malëare të ngjashëm si sulmet kibernetike në korrik. Këto ka të ngjarë të jenë bërë si hakmarrje për ndërprerjen e marrëdhënieve diplomatike midis Shqipërisë dhe Iranit.
