Albin Kurti Live: Nuk duam luftë, por paqe! Janë rreth 30 persona që po sulmojnë policinë tonë
E Diel 24 Shtator 2023, 13:19
TiranaPost
Albi Kurti ka dalë në konferencë të jashtëzakonshme ku ka folur për një grupim kriminal të cilin e ka ftuar publikisht që t’i dorëzohen organeve të drejtësisë.
“Nuk bëhet fjalë as për civilë të armatosur as për qytetarë të zakonshëm po bëhet fjalë për një formacion me pjesëtarë që janë profesionist ushtarak ose policor në Zveçan rrotull Manastirit të kishës atje. Siç mund të shihen nga pamjet e kamerave automjetet janë pa targa dhe nuk janë të serbëve lokalë dhe as të qytetarëve të Kosovës, nga pamjet shihen kamionë që kanë bllokuar rrugën dhe një person me një armë në krahë që nuk është tipik për policinë. Shihen njerëz me pajisje ushtarake me maska rrotull manastirit në Banjskë të Zveçanit, organe tona të sigurisë dhe prokuroria do të vijojnë me hetimet në lidhje me këto forca. Përveç makinave aty ka edhe një autoblind që nuk është i policisë së Kosovës.
Është e qartë që këto persona që janë të paktën 30 vetë paraqesin një formacion të organizuar që duket se ka ardhur të luftojë në Kosovë por unë ju bëjnë thirrje që tu dorëzohen organeve të drejtësisë. Kosova është vend demokratik dhe u përket të gjithëve pa dallim etnie dhe cënime të tilla janë të patolejueshme”, ka thënë ai.
