12 lajmet më të lexuara të vitit në TIP

Divorci i Yllka Mujos është më i bukuri që kemi parë

Ky është një ndër lajmet më të lexuar të vitit 2021 në Tiranapost.al, edhe pse i publikuar kohë më parë

Divorci i Yllka Mujos është më i bukuri që kemi parë

Ata janë ndarë në fillim të viteve '90, kur divorcet në Shqipëri ishin ende të rralla. E pikërisht ngaqë ishin të rralla, ndarjet përgjithësisht ishin nga ato të përhershmet, me lamtumirën e përjetshme. Aspak ky rasti i Yllka Mujos dhe Gjergj Zaharisë që mbetën familje edhe pse jo më burrë e grua.

Janë familje sot e kësaj dite, kur fëmijët janë rritur, kanë jetën e partnerët e tyre, por ngaqë kanë ndjekur profesionin e nënës, puna ua do që të jenë shpesh të gjithë bashkë në qendër të vëmendjes. Herë se martohet Elia e herë se janë të ftuar në një event. Gjergj Zaharia është përherë në krah të ish-bashkëshortes dhe mos mendoni veç për hatër të fëmijëve siç ruhet zakonisht marrëdhënia klasike pas ndarjes.

Divorci i Yllka Mujos është më i bukuri që kemi parë

Sot Yllka Mujo ka ditëlindjen.

As festë të madhe me dhjetëra të ftuar s'kanë bërë e as salltanete me kompani eventesh. Po e feston mes fëmijëve, nuses e dhëndrit, (mbase zonja në krah të saj është e motra) e ish-bashkëshorti është sërish aty dhe nuk i bashkohet familjes veç kur është fjala për fëmijët. Është aty edhe për ditëlindjen e Yllkës, pavarësisht se kanë vendosur të ndahen në ato vite, kur ndarja kishte të tjera përmasa, e burrit s'i thuhej më plaç me gojë. Ky i Yllka Mujos dhe Gjergj Zaharisë është divorci më i bukur që kemi parë.