“Zoti më njohu me ty”. Vogëlushi në karrige me rrota falenderon gazetaren që mblodhi fonde për të
Anxhela dhe Leo, ëmë e bir falenderuan gazetaren Albina Gjergji që i ndihmoi për të mbledhur 40 mijë euro për një operacion të vështirë. Leo ka lindur me një problem që dobëson kockat, ndaj ka kryer shumë ndërhyrje.
Ca vite më parë, i duheshin 40 mijë euro dhe pas disa ndihmave nga njerëz të artit Anxhela i shkroi një mesazh gazetares e cila u zotua se do ta ndihmonte. Nga ajo ditë nuk bëri vetëm shkrime për të, por bëri një fushatë për mbledhje fondesh e madje herë pas herë i çonte vetë paratë e mbledhura në shtëpinë e Leos së vogël.
Sot Leo lexoi një letër mirënjohjeje për Albinën e cila e emocionuar tha se ai i kish hyrë në zemër, është fëmijë i mirë e kushdo do ta kishte ndihmuar.
*Ky post është realizuar nga Fabjola Hije zbardhur në "Dua të të bëj të lumtur" në Top Channel