• Shqip
  • English
  • E diel, 22 Shtator 2019
  • Shqip
  • English
  • Botë Të gjitha

    Zgjidhja për Brexit mund të jetë afër, Merkel flet për afat 30-ditor


    Kancelarja gjermane, Angela Merkel, ka thënë se brenda 30 ditësh, mund të gjendet një zgjidhje për mosmarrëveshjet rreth daljes së Britanisë së Madhe nga BE-ja. Ajo e ka fjalën për çështjen e kufirit irlandez, që paraqet edhe pikën kryesore të mosmarrëveshjeve ndërmjet Londrës dhe Brukselit.

    Duke folur në një konferencë për media, së bashku me kryeministrin britanik, Boris Johnson, Merkel theksoi se i takon Britanisë së Madhe të ofrojë një plan të zbatueshëm.

    Ndërkaq, kryeministri Johnson, tha se ekziston një “hapësirë e mjaftueshme ” për të arritur një marrëveshje të re.

    BE-ja ka thënë vazhdimisht se marrëveshja e Brexit-it, e negociuar nga ish-kryeministrja, Theresa May, nuk mund të rinegociohet.

    Kryeministri Johnson ka këmbëngulur se Britania e Madhe dëshiron të largohet nga BE-ja me një marrëveshje të rinegociuar të tërheqjes, por që sipas tij, edhe nëse nuk do të ndodhë diçka e tillë, vendi do të dalë nga BE-ja më 31 tetor. /Tiranapost.al/

    Reklamo biznesin tënd në TIP Na kontakto në [email protected] ose 068 408 1690