Vritet në derën e shtëpisë babai i tre fëmijëve në Dukagjin
E Mërkurë 6 Nëntor 2019, 15:02
TiranaPost
Ekzekutohet në derën e shtëpisë një 43-vjeçar në fshat të Dukagjinit. Viktima është Gjergj Krygja, baba i tre fëmijëve, ndërsa ngjarja e rëndë ndodhi rreth orës 11:40 në fshatin Sumë, Njësia Administrative Pult, Shkodër.
Dyshimet e para janë se vrasja ndodhi për një konflikt të mundshëm për shfrytëzimin e pyjeve, për të prerë drunj.
Krygja jetonte në Shkodër, por ndodhej në shtëpinë në fshat pasi kishte shkuar për të mbledhur zahiretë e dimrit.
Policia ka nisur hetimet për të zbuluar motivet dhe autorët e vrasjes./ Tiranapost.al