Aktualitet

Vetëvendosje, vetëm në zgjedhjet parlamentare

Lëvizja vetëvendosje në Kosovë nuk do ketë koalicion dhe do dalë e vetme në zgjedhjet e parakohshme parlamentare, të caktuar nga Presidenti Hashim Thaçi më 11 qershor.

Ky njoftim vjen pas një deklaratë nga Vetëvendosje me kryetar Visar Ymeri.

Sot lëvizja ka mbatur mbledhjen e kryesisë ku janë diskutuar përgatitjet për zgjedhjet, ku do votohet edhe lista e kandidatëve.

 Këtu do lexoni njoftimin e plotë:  Lëvizja VETËVENDOSJE! sot ka mbajtur mbledhjen e Kryesisë në të cilën janë diskutuar përgatitjet për zgjedhjet e 11 qershorit dhe përgatitjet për mbledhjen e Këshillit të Përgjithshëm të Lëvizjes e cila mbahet nesër, e ku do të votohet edhe lista e kandidatëve të Lëvizjes VETËVENDOSJE! për këto zgjedhje.

Tanimë, afati për koalicione ka përfunduar dhe Lëvizja është duke bërë përgatitjet e duhura që në këto zgjedhje të garojë e vetme. Gjatë ditës së sotme kemi pranuar dhjetëra kërkesa për takim nga koalicioni LDK/AKR. Edhe pse jemi në orët e fundit para dorëzimit të listave, kryesia e Lëvizjes vendosi që t’i pranojë në takim.

Programi i Lëvizjes VETËVENDOSJE! dhe konsistenca politike e qëndrimeve dhe veprimeve na bëjnë ne subjektin më të besuar për transformim të Republikës, me luftim të krimit e progres shoqëror. Të gjithë ata që janë të gatshëm t’i bashkohen kësaj beteje për ndryshim rrënjësor jemi të gatshëm t’i presim në takim. E.B

Image result for Visar Ymeri