• Shqip
  • English
  • E shtunë, 19 Tetor 2019
  • Shqip
  • English
  • Sport Të gjitha

    Vetëm barazim në duelin e rivalëve


    Partizani e mbylli i dyti kategorinë Superiore. Të kuqtë barazuan 2-2 në javën e 36-të në Korcë duke patur për protagonist Bathën dhe Kalarin që shënuan dy gola mjaft të bukur dhe falë ndeshjeve direkte arritën të siguronin vendin e dytë pavarësisht se Plaku dhe Gripshi barazuan rezultatin.

    Në Korcë dy ekipet ishin të zhveshura nga objektivat dhe në garë ishte vetëm vendi i dytë simbolik.

    Gjithsesi Skënderbeu dhe Partizani u përpoqën t’I bënin një mbyllje të mirë kampionatit dhe ndeshjes nuk I munguan rastet. Të kuqtë patën meritën që e zhbllokuan sfidën shumë shpejt që në të 3-tën me anë të Bathës, që pas një lëvizje të bukur në zonë mposhti Shehin.

    Skënderbeu u përpoq të reagonte me goditje nga distanca me Muzakën e Gavazajn që nuk gjetën kuadratin në të 12-tën e 18-tën, ndërsa në minutën e 19-të ishte Xhika që reagoi mirë ndaj James.

    Me një goditje nga distance provoi të rrezikonte dhe Vila por nuk e shënjestroi sic duhet portën. Ndërsa rasti i fundit në pjesën e parë i takoi Ekubanit në të 43-tën por dhe ky nuk e pati të saktë shënjestrën. Pjesa e dytë nisi pak më e ngadaltë por e nxehu Kalari që me një goditje të jashtëzakonshme në të 65-tën dyfishoi shifrat për kryeqytetasit.

    Në të 69-tën, Partizani ju afrua dhe golit të 3-të por Ekuban gaboi përballë Shehit. Nuk fali ndërkohë Plaku 1 minutë më pas që dërgoi topin pas shpatullave të Xhikës.

    Në fund Gripshi arriti të barazojë shifrat por nuk ndryshoi asgjë në pozicionet e ekipieve me Partizanin që u rendit I dyti në një sezon ku ëndrrat dhe dëshirat ishin për më lartë.

    Reklamo biznesin tënd në TIP Na kontakto në [email protected]