Aktualitet

Veliaj: Tirana solidarizohet me policët e plagosur, dhuna nga bashkitë-antimodel i zhvillimit

Veliaj: Tirana solidarizohet me policët e plagosur, dhuna nga

Kryetari i Bashkisë së Tiranës ka reaguar për plagosjen e punonjësve të Policisë nga protestuesit e opozitës. Përmes një postimi në twitter, Veliaj thekson se 1 herë në 30 ditë Tirana pret ekskursion dhune nga bashkitë që janë antimodeli i zhvillimit të kryeqytetit.

Teksa solidarizohet me efektivët e policisë të lënduar, kryebashkiaku Veliaj thekson se çdo herë e më shumë protestuesit po i braktisin. “1 herë në 30 ditë Tirana pret ekskursion dhune nga bashkitë që janë anti-modeli i zhvillimit të kryeqytetit! 1 në 30 - po aq sa është reduktuar dhe mbështetja e qyqarëve! Çdo herë e më pak, e sa më pak aq më dhunshëm! Solidaritet i TR me policët e plagosur! Mirënjohje”, shkruan Veliaj .