• Shqip
  • English
  • E shtunë, 19 Tetor 2019
  • Shqip
  • English
  • My Tirana

    Veliaj: Do vlerësohen 42 pallatet e dëmtuara në Tiranë, fond për menaxhimin e rasteve


    42 pallate me çarje fuge raportohen në Tiranë, pas tërmetit të fortë që goditi dje pasdite, me epiqendër në Durrës. Për këtë, kryetari i Bashkisë Tiranë Erion Veliaj njoftoi se pallatet do analizohen nga inxhinierët nëse ka neovjë për ndërhyrje.

    I pranishëm në mbledhjen e grupit parlamentar të PS me kryeministrin Rama, Veliaj raportoi për situatën, ku  tha: 

    “Kemi pas 42 pallate që kanë pasur këtë çështjen e hapjes së fugës dhe kemi bërë një raportim të detajuar, në mënyrë që inxhinierët më pas të bëjnë një vlerësim nëse ka nevojë për ndërhyrje strukturore, ose jo. Në fshat paraqitet situata pak më e vështirë, kryesisht në Pezë dhe Ndroq. Kemi rreth 70 shtëpi me dëmtime serioze, kryesisht shtëpi të vjetra të ndërtuara me gurë, të cilat duhet t’i konceptojmë nga e para dhe t’i bëjmë nga e para.”

    Veliaj shtoi se sot do të caktohet edhe buxheti për menaxhimin e rasteve të Tiranës dhe fondin e solidaritetit.

    “Kemi një mbledhje të Këshillit Bashkiak sot, për të ndryshuar buxhetin, për të përcaktuar një fond për menaxhimin e rasteve të Tiranës dhe sigurisht një fond solidariteti për Durrësin apo kudo tjetër ku të ketë nevojë.”/ Tiranapost.al. 

     

    Reklamo biznesin tënd në TIP Na kontakto në [email protected]