• Shqip
  • English
  • E hënë, 23 Shtator 2019
  • Shqip
  • English
  • Bukuri Lifestyle Modë Nën lupën e Stela Sallakut Personazh Të gjitha TIP top

    Valbona Selimllari, missi që nuk është miss


    Valbona Selimllari nuk është ajo vajza fashioniste që shohim shpesh nëpër rrjete sociale. E kemi quajtur përherë missin e përjetshëm por ajo veç pamje missi nuk ka. Në kuptimin që ka qenë dhe do mbetet më e bukura, por nuk i shton bukurisë së saj edhe veshjen tipike prej missi. Bobi, siç i pëlqen miqve të saj ta thërrasin, në përditshmëri preferon t-shirt dhe xhinse, tamam si stili amerikan. Nuk është se s’i pëlqejnë rrobat e bukura, sepse nëpër evente shkëlqen e tëra me fustane mbrëmjesh ose jumpsuit. Ndonjëherë ka patur dhe veshje jo të kuruara, por siç thonë shpesh, asaj edhe një thes t’i veshësh duket e sharmante.

    Gjithsesi kam përzgjedhur 5 veshje shumë të realizuara por njëkohësisht kam dhe pesë sugjerime. Fillojmë me ato më të mirat.

    (Foto nga Instagram)

    Veshjet minimaliste nga Tibi, të bardha ose të zeza do i rrinin mjaft mirë me tiparet gështenjë. E bardha i vë në pah sytë dhe flokët, njëkohësisht të lejon të përdorësh aksesorët e preferuar.

    (Foto nga Instagram)

    Jumpsuit-i blu saks me mëngët e rëna i bën supet të jenë në harmoni me belin dhe vithet. Dekolteja e tregon siluetën më të gjatë dhe elegante. Më pëlqen gjatësia e pantallonave, nëse do i zbulonin këpucët, këmbët do i dukeshin të shkurtra. 

    (Foto nga Instagram)

    Dantella është nga ato materiale që duhet të jetë cilësore, ndryshe i ul pikë gjithë look-ut. Detajet në pjesën e bustit i japin gjithë bukurinë fustanit, sidomos pjesa fundore e mëngëve. 

    (Foto nga Instagram)

    Meqë jemi tek sezoni i printeve të kuadrateve, pikave dhe vijave, nuk kishte si të mungonte një i tillë tek Bobi. Kombinimi i rripave tek supet me mëngët voluminoze vë në pah pjesën e qafës dhe tiparet. Ndaj vathët, rrathët, varset dhe turbanet konsiderohen si “must” këtë verë. 

    (Foto nga Instagram)

    Bluja e errët është një ndër nuancat më të bukura, sidomos kur ka pak shkëlqim. Është ideale për veshje mbrëmjesh, eventesh dhe festash gala. 

    Pesë sugjerime

    (Foto nga Instagram)

    Kjo lloj dantelle është pikërisht ajo që po i referohesha më lart si “jo e duhura”. Jaka duhet të ishte punuar më imët që të mos binte në sy filetoja. Qëndisjet e copës janë paksa të rënda. 

    (Foto nga Instagram)

    Kostumi powder blue më pëlqen shumë, sidomos detajet e trëndafilave tek mëngët. Hapja e jakës dhe gjatësia e pantallonave është e duhura. Nëse edhe sandalet do ishin gjithashtu pastel veshja do ishte e realizuar.

    (Foto nga Instagram)

    Jumpsuit-i i zi me bustin me lule, punuar dëndur është shumë i këndshëm për darkë. Valbonës ia tregon bustin e gjerë dhe duket sikur nuk i bie në sy as beli. Ndoshta po ti vinte nje rrip lëkure me dy tokëza do ndryshonte pamje. 

    (Foto nga Instagram)

    Xhinset duken si gjëja më e thjeshtë për t’u kombinuar. Na është krijuar idea se çdo gjë mund të vishet me to. Ama nëse nuk gjejmë ngjyrën që na shkon, është më mirë të mos i veshim. Këtu janë palosur nën kavilje dhe i tregojnë këmbët e shkurtra. 

    (Foto nga Instagram)

    Ka pak disbalancë tek kjo veshje. Çizmet me majë të rrumbullakosur të tregojnë këmbë të vogël, sidomos kur kanë këtë takë. Pallto me rripin e trashë nuk më duket zgjedhje e duhur për trupin e bukur të Bobit. Ka shumë trende të reja që do i rrinin shumë më mirë. Minimalizmi, por dhe asimetria, supet e theksuara ose dizajnet e YSL./Tiranapost.al

    Reklamo biznesin tënd në TIP Na kontakto në [email protected] ose 068 408 1690