• Shqip
  • English
  • E martë, 15 Tetor 2019
  • Shqip
  • English
  • Të gjitha Urban

    Urban, do shkojmë në protestë


    Nga “Fatorinoja”/Me terezi ngrihem nga shtrati. Një rreze e vakët dielli ndriçonte në dritare. Disa zogj cicërinin me ëmbëlsi. E kisha gjithë ditën time.

    Një takim me një mik me detyroi të dilja e të merrja urbanin. Protesta e opozitës ende nuk kishte filluar. Rrugët ama ishin të bllokuara. Tek stacioni milet i madh.

    -Jo mos hip se ne kthehemi pas?
    -Si ktheheni pas, po për të vajtur…
    -Djali e ka bllokuar policia, nuk e shikon është protesta.

    Më duhej t’i bija si Magelani për të shkuar tek vendi ku unë doja. Në këmbë ishte e pamundur të shkoja. Ndaj PD-ja protestonte mua më ikën lekët nga taksia.

    ***

    Pas takimit, doja që turma e protestës të mos më zinte rrugës. Ndaj nxitova. Urbani plot, lloj lloj fytyrash me flamuj në duar.

    -Sa bën bileta?
    -40 lekë
    -Ou, pse kur e keni rritur?
    -Sa kohë ke që nuk ke ardhur në Tiranë?
    -E mirë na, se nuk pyesim për lekë ne.

    Në urban ishin të pakët ata që kishin abone, të tjerët me lekë.

    -Or ti po shumë trash je veshur?
    -Nata është e ftohtë, gjithë natën aty. Pse jemi paguar, apo… për këtë punë. Ja kam marrë dhe çadër, se për të ngrënë do na sjellin ata.

    -O shofero, jepi gaz o burr se jemi vonë. Nuk do arrijmë dot?
    -Ça ke ti mer që bërtet, të them unë si ta bësh punën tate ti? Jo, tani rri pse i jep gojës.

    Disa stacione më pas, dy korçarë ishin të ekzaltuar për atë që do ndodhte.

    -Po çfuarë thua ti bre? Ne do rrëzojmë sot Ramkën dhe Peleshkën. Të dy do t’i shtypim si morrat e kuq.
    -Peleshka, ka ikur bre. As Ramka nuk është. Naaa, shtatë nga frika!

    Përr, përrr, përrrr…

    Një bilbil i policit rrugor ndezi më shumë situatën.

    -Yyyyy do t’ju shtypim, ore dëgjove

    Veçse bëri që gjithë njerëzit të kthenin kokën. Mezi prisja të arrija në stacionin më të afërt. Dhe ashtu bëra, turma ishte e padurueshme.

    (E shtunë, 18 Shkurt 2017)

    Reklamo biznesin tënd në TIP Na kontakto në [email protected] ose 068 408 1690