• Shqip
  • English
  • E enjte, 17 Tetor 2019
  • Shqip
  • English
  • Aktualitet Të gjitha

    Tre mocione në Parlamentin holandez kërkojnë t’i thuhet “JO” Shqipërisë


    Këtë të enjte sipas “Top Channel”, tre deputetë të Parlamentit holandez depozituan 3 mocione bllokues për çeljen e negociatave BE- Shqipëri.

    Në këto mocione i kërkohet qeverisë të votojë kundër, qoftë edhe çeljes me kushte, në mbledhjen e 17-18 tetorit.

    Në këtë mbledhje Holanda nuk do të përfaqësohet nga shefi i diplomacisë, për shkak të axhendës, por nga ambasadori i saj në BE. Ky i fundit nuk ka asnjë mandat për të negociuar nëse vendet e tjera të BE-së do të kërkojnë ndryshim të qëndrimit.

    Por nga ana tjetër, në mbledhjen e fundit të Parlamentit holandez u vendos se nuk do të ketë veto bllokuese nga Holanda nëse vendet e tjera bien dakord.

    Ndërkohë gjatë ditës së sotme në një artikull të “Reuters”, që bazohet te një diplomat emri i të cilit nuk bëhet publik, thuhet se Franca është e të njëjtit mendim për Shqipërinë dhe Maqedoninë duke mos hapur dritën jeshile për negociatat./ Referuar TCH/ Tiranapost.al

    Reklamo biznesin tënd në TIP Na kontakto në [email protected]