Top destinacionet për 2019. Prestigjiozja Le Monde sugjeron Shqipërinë si zgjedhjen e gjashtë
Prestigjiozja franceze Le Monde ka publikuar listën me 20 destinacionet më të mira dhe më të sugjeruara për këtë vit, dhe lajmi i mirë është se gjetëm Shqipërinë të renditur në vendin e gjashtë., tek top dhjetëshja më e mirë. Krahas Zvicrës dhe vendeve të tjera të njohura botërisht për turizmin si Greqia, Italia etj, Le Monde sugjeron Shqipërinë, duke vlerësuar një sërë kategorish si kultura, tradita, klima, vendet e virgjëra, pasuritë me det e me ishuj të paprekur etj.
Ja çfarë shkruhet për Shqipërinë: E vendosur mes Malit të Zi dhe Greqisë, vendi i vogël evropian mbetet një destinacion turistik mjaft interesant, për të cilin jo shumë njerëz në botë dinë. Atje mund të shkosh për pushime e të mos shpenzosh shumë dhe i gjen të gjitha: Plazhe, fshatra të mrekullueshme historike, mund të shkosh për Hiking, të mrekullohesh nga pamjet, gatimi tradicional me produkte vendase të freskëta dhe me cilësi. Më e rëndësishmja; për momentin nuk ka shumë turistë si në vendet e tjera.
Pamje nga Bovilla, postuar nga Naddir Carib, traveler bloger
Edhe kryeministri Rama publikoi sot një status në mëngjes, me coverin e revistës Le Monde, teksa shkruan se Shqipëria ndodhet në vendin e gjashtë, nga 20 vende të zgjedhura si Top destinacionet e vitit 2019. Linku origjinal këtu. Tiranapost.al. E.B