Tirana me dëborë i gëzoi të gjithë
Tirana u mbulua nga dëbora pas 30 vitesh. Të gjithë u gëzuan si të ishin fëmijë.
E Enjte 12 Janar 2017, 10:17
TiranaPost
Qytetarët e Tiranës kishin më se 30 vite që nuk kishin parë kaq shumë dëborë me sy. Dhe sigurisht që dëbora e rënë mbrëmjen e djeshme ka bërë që të gjithë, të rritur e të vegjël të dalin e të luajnë me topa dëbore.
Askush nuk qëndroi brenda, lagjet dukeshin ashtu si vite më parë, ku njerëzit shijonin dëborën dhe qetësinë e gëzimin që ajo të fal. Edhe pse ishte ftohtë dhe vonë, shumë prej banorëve të kryqytetit nuk kanë hezituar për t'ju gëzuar flokëve të dëborës që veshën Tiranën dhe e bënë më të bukur se asnjëherë.
Edhe VIP-at kanë postuar foto nga më të ndryshmet nëpër rrjetet sociale, për të treguar gëzimin e madh që përjetuan teksa shihnin Tiranën e mbuluar me petkun e bardhë të dëborës.