Të rinjtë dhe gratë vuajnë më shumë në rajon për një punë
Dy forca inkurajuese, gratë dhe të rinjtë, janë më të paragjykuarat. Të dhënat dalin bazuar në tregun e punës të vendeve të rajonit nga Majlinda Bregu, sekretarja e përgjithshme RCC, gjatë lançimit të projektit për Punësimin dhe Çështjet Sociale, ESAP 2.
“Të rinjtë nën moshën 24 vjeç zunë vetëm 4.3% të vendeve të reja të punës. Zakonisht kësaj grupmoshe i duhen deri në 2 vjet për të gjetur punën e tyre të parë. Po ashtu, 1 në 4 të rinj nuk janë as të punësuar, as pjesë e arsimit apo trajnimeve. Më shumë se gjysma e grave në moshë pune janë të papuna, 1 në 2 gra, pra jashtë tregut të punës, ndërsa tek meshkujt shifra është shumë më e ulët: vetëm 1 në 4 meshkuj nuk janë në tregun e punës”, tha Bregu.
Projekti ESAP 2 do të punojë për të përmirësuar politikat dhe masat për punësimin, duke mësuar nga homologët e tyre europianë me masa dhe politika që sjellin më shumë vende pune si në sasi dhe në cilësi, e në veçanti duke u përqendruar tek punësimi informal dhe kalimi i tij në formalitet.
Në konferencë morën pjesë ministrat e punës dhe të çështjeve sociale nga rajoni, krerë të shërbimeve të punësimit, përfaqësues të shoqërisë civile dhe të fushës akademike, të cilët diskutuan situatën ekzistuese, tendencat e reja në lidhje me punësimin dhe zgjidhet e mundshme për punësimin dhe papunësinë në rajon./ Tiranapost.al