• Shqip
  • English
  • E shtunë, 19 Tetor 2019
  • Shqip
  • English
  • Aktualitet Të gjitha

    Studentja më tha ‘Nuk e vazhdoj më’. Saimir Kodra tregon prapaskenat e kamerës së fshehtë të pedagogut në Elbasan


    Saimir Kodra tregon të tjera detaje për kamerën e fshehtë të pedagogut, Denis Himçi, që kërkonte favore seksuale në këmbim të notës në lëndën e tij.

    Video e publikuar në emisionin “Stop” është regjistruar nga një studente e Universitetit të Elbasanit dhe xhirimet kanë zgjatur për rreth një javë.

    “Në harkun kohor të një jave kanë qenë takimet. Ka qenë në fundin e sezonit akademik. Pas takimit të parë që erdhi dhe ai e puthi në faqe, vajza erdhi dhe më tha ‘Nuk e vazhdoj më’. Pedagogu njihej si donzhuan në Universitet. Ne ishim gjatë gjithë kohës që e asistonim studenten. Emri i saj nuk dua të dalë nga unë, por pedagogu përfitoi nga pamja e saj e bukur. Nuk e kishte të lehtë”, tha moderatori dhe gazetari Kodra. 

    Pedagogu i gjuhës italiane dhe frënge, Denis Himçi u pezullua sot nga detyra pas skandalit. Në kamerën e fshehtë të regjistruar nga një studente shihej e dëgjohej se, Denis Himçi i premtonte studentes se do ta kalonte në lëndën e tij dhe do të ndërhynte te kolegët për provimet e mbartura. Madje ai i premtonte studentes dhurata të ndryshme nëse do t’i plotësonte dëshirat e tij./ Tiranapost.al

    Pezullohet nga detyra pedagogu që i kërkonte favore seksuale studentes

    Foto-Video/ Pedagogu i kërkon studentes raport intim në këmbim të marrjes së provimeve

    Reklamo biznesin tënd në TIP Na kontakto në [email protected]