Aktualitet Te gjitha

Studentët nuk u tërhoqën, ministrja Nikolla sërish me deklaratë


Ministrja e Arsimit Lindita Nikolla ka dalë sërish në një deklaratë për mediat, pasi studentët nuk u tërhoqën me plotësimin e një prej kërkesave të tyre.

Nikolla tha se do të vijojë dialogu me studentët.

“Faleminderit që keni përcjellë të gjithë komunikimin në këto ditë. Më vjen mirë që kam marrë reagim inkurajues nga disa këshilla studentorë. Kemi kohën që presim një angazhim edhe më të madh të studentëve për modernizimin e çdo institucioni të arsimit të lartë. Kjo protestë tregoi se sa pak informacion dhe sa pak komunikim kishte tek studentët për atë që sjell reforma e arsimit të lartë. Më shumë se sa rëndësia për të shfuqizuar pikën 4 të VKM kjo protestë ia vlejti shërbeu si një katalizator për një debat shterues brenda universitetit. Kam marrë një kërkesë nga këshillat studentorë që e miratoj me të dy duart që të ngrihen grupe pune për 3 pikat e tjera. Jam shumë dakord për të ndërtuar një dialog ku çdo aktor në jetën e universitetit t’i bëjë transparente për gjithçka që bëhet në jetën universitare”, deklaroi ministrja Nikolla./ E.D – Copyright Tiranapost.al

Fitojnë studentët, tërhiqet Ministria e Arsimit