Si Margaret Thatcher që flinte vetëm katër orë apo si Arianna Huffington me 8?
Margaret Thatcher është gruaja e cila gjatë gjithë jetës ka fjetur vetëm katër orë gjumë në natë. Dhe ashtu si ish kryeministrja britanike, disa liderë të tjerë bëjnë të njëjtën gjë. Ndër to Jack Dorsey i cili është CEO i Twitterit thotë se nuk fle shumë por mjaftueshëm. Ndërkohë që Arianna Huffington thotë se çelësi i suksesit është një gjumë i mirë 8 orësh. Kështu lind pyetja. Pse disa njerëz mund të jenë produktivë dhe energjikë, pavarësisht se flenë shumë pak gjumë?
Një raport i kohëve të fundit i botuar nga Universiteti i Kalifornisë, ka treguar se e gjitha ka të bëjë me gjenet tona. Në studim u morën një grup njerëzish të cilët ndiheshin shumë mirë dhe se kanë arritur sukses, dhe ajo që u zbulua ishte e përbashkët: Një mutacion në një gjen, të quajtur DEC2.
"Njerëzit me këtë mutacion në gjen kanë lindur për të fjetur më pak gjumë dhe ata nuk e kanë provuar kurrë të flenë 8 orë", tha doktor Ying-Hui Fu, profesor i neuroshkencës dhe autor i studimit i cili shton: "Ata ndihen energjik edhe pas vetëm disa orësh gjumë". Kjo do të thotë se ata mund të punojnë në dy punë dhe të gëzojnë shëndet të mirë mendor. Mutacioni i gjeneve është i rrallë: më pak se 1% prej nesh vlerësohet ta ketë atë./World Economic Forum, Tiranapost.al E.B