‘Shqipet e Londrës’ të bëhen gati. Kujdes! Temperatura do shkojë në minus
E Shtunë 16 Dhjetor 2017, 12:29
TiranaPost
Temperaturat në Londër do vijojnë të ulen dhe gjatë fundjavës do bjerë sërish borë e madhe. Termometri do shënojë në minus 5 gradë në pjesët më të mëdha të Anglisë. Nga zyrat e meteorologëve ka dalë paralajmërimi për motin shumë të ftohtë që do prekë më së shumti Skocinë, Uellsin, Veriun e Anglisë, lindjen dhe Perëndimin e Midlands. Në këto vende bora do kthehet në akull. Ja çfarë shkruan paralajmërimi: "Akulli do jetë një rrezik në shumë vende duke filluar që mëngjesin e sotëm. Do ketë borë dhe temperatura minus 5 gradë deri të dielën në mbrëmje. Manchester dhe Settle, North Yorkshire parashikohet me borë të lehtë, ndërsa Preston, Telford, West Midlands, Buxton, Derbyshire dhe Keswick më shumë borë.