Aktualitet

Shpërndante drogë në zonën e Dridhamës, në pranga një 22 vjeçar

Shpërndante drogë në zonën e Dridhamës, në pranga

Një 22 vjeçar nga Tirana ka përfunduar në prangat e policisë. Pas finalizimit të operacionit 'Drimadha', u zbulua se në zonën e Drimadhës shpërndahej drogë e llojit ekstazi. Për pasojë ka përfunduar në pranga 22 vjeçari me iniciale S.K. Policia në njoftimin e saj zyrtar sqaron se janë sekuestruar 100 kokrra ekstazi si dhe para të përfituara nga shitja e tyre.

Më poshtë keni njoftimin e plotë nga policia: 

Vlorë

Goditet një tjetër rast i shpërndarjes së drogave stimuluese.

Finalizohet operacioni antidrogë "Drimadha"

Sekuestrohen nga policia 100 kokrra ekstazi si dhe para të përfituara nga shitja e tyre.

Vihet në pranga poseduesi.

Seksioni i Hetimit të Narkotikëve dhe Trafiqeve, në bazë të informacioneve të marra në rrugë operative, se në zonën e Drimadhës, shpërndahej drogë stimuluese nga një shtetas, kanë organizuar dhe finalizuar operacionin policor "Drimadha", ku në bashkëpunim me forcat operacionale pranë DVP Vlorë kanë vënë në pranga 22 vjeçarin nga Tirana S.K.

Gjatë kontrollit fizik, Policia i gjeti shtetasit S.K, 100 kokrra lëndë narkotike e dyshuar "Ekstazi" (drogë stimuluese) si dhe një sasi valute prej 525 eurove dhe 60.000 lekë të rinj, të cilat dyshohen se janë përfituar nga aktiviteti kriminal i shpërndarjes.

Materialet iu referuan Prokurorisë në ngarkim të tij për veprën penale "Prodhimi dhe shitja e narkotikëve"./ Tiranapost.al. E.B