Aktualitet

Sekreti për dollmat më të shijshme

Kuzhinieri Elmin Sharifov nga restoranti Ay Qonshu në Baku ka zbuluar sekretin e dollmave të tij aq të shijshme sa …

Sipas tij për të përgatitur dollmat duhet mish qengji, oriz, erëza dhe gjethe rrushi, një nga specialitetet më të preferuar të vendit. Ai thotë se gjethet e rrushit dhe gjendja e tyre  janë thelbësore për mbushjen dhe shijen e parë që përjetojmë.  'Dollma' nënkupton fjalën mbushje në gjuhën e Azezit.

Ka shumë lloje të Dollmave të cilat ndryshojnë sipas stinëve. Në verë ju mund të përdorni perime si speca, domate, patëllxhanat dhe tranguj në vend të gjethes.

Dollma është padyshim ushqimi që askush atje nuk mund ta imagjinojë jetën pa të. "Kur isha fëmijë  doja të mësoja se si e bënte nëna ime, mbaj mend që doja gjithmonë të bëja procesin e fundit të mbështjelljes.

Image result for dolma

Gjethet e rrushit janë përbërësi më i shëndetshëm i Dollmave, ata janë plot me vitaminë C.

Përgatitja është mjaft e lehtë, por duhet të kesh aftësi thotë ai. " Dollma duhet të mbushet më mish të grirë qengji, por erëzat janë çelësi. Mentia është një domosdoshmëri bashkë me majdanozin. Nëse harroni një nga këto, nuk do ketë të njëjtën shije.

Dollma shërbehet më së miri me kos të freskët." Në përgjithësi kemi dy lloje të Dollmave, me mish/ ose perime, shpjegoi Elmin. "Ne gjithmonë gatuajmë lloje të ndryshme të Dollmave".

Nëse dëshironi të gatuani lexoni përbërësit që duhen:

1-Mish Qengji - 400 g

2-Gjethe  rrushi - 300 g

3-Oriz - 70 g

4-Majdanoz - 30 g

5-Gjethe mente - 30 g

6-Qepë - 150 g

7-Ujë- 1.5 gota

8-Kripë dhe piper për shije. Mishin e qengjit futeni në makinën grirëse më pas merrni një enë, hidhni mishin,  qepën e grirë, shtoni orizin, erëzat e copëtuara, kripën, piperin e më pas përzieni me dorë.

Merrni nga një grusht dhe mbështillini  me gjethet e rrushit. Më pas futini në një tenxhere jo të vogël, shtoni ujë dhe vendosi në sobë, lërini të ziejnë për rreth një orë. Më pas vendosni nëpër pjata, lërini të ftohen dhe në fund..ju bëftë mirë. Tiranapost.al E.B