• Shqip
  • English
  • E premte, 22 Nëntor 2019
  • Shqip
  • English
  • Lifestyle Showbiz Të gjitha TIP top

    Sekretet e jetës së Alain Delon, zemërthyesit francez sot 84 vjeç


    Emri i plotë i tij është Alain Fabien Maurice Marcel Delon dhe u lind në Francë, në 8 nëntor të 84 viteve më parë.

    Ka luajtur më shumë se 140 role, përgjithësisht si djalë i keq. Më pas krijoi dhe kompaninë e tij të produksionit që prodhoi 30 filma të atij si regjisor, producent dhe skenarist.

    Alain Delon, foto nga Google

    Po jeta private?

    Edhe pse një nga burrat më të bukur e më të dëshirueshëm në botë, ai nuk arriti të krijonte një marrëdhënie të gjatë në jetën e tij. Për këtë fajëson traumat e fëmijërisë. Prindërit e tij u ndanë herët dhe e braktisën që kur ishte 4 vjeç. E gjeti veten në një familje kujdestare si jetim dhe i braktisur. Sikur të mos mjaftonte, prindërit biologjikë u rikthyen në skenë kur ai ishte 17 vjeç, këtë herë për të firmosur dërgimin e tij në luftë. Pastaj papritur, kur ai u bë i famshëm ata i trokitën në derë dhe ai s`ia hapi. Nuk i fali kurrë.

    Alain Delon, foto nga Google

    Ai e lidh me braktisjen e hershme mossuksesin që ka provuar në marrëdhëniet me gratë: “Ti nuk mund të dish të japësh dashurinë, që s`të është dhënë që kur ke qenë i vogël. Janë boshllëqe që nuk mund të mbushen kurrë. Edhe kur dua një grua, ndihem vetëm. Isha 4 vjeç kur kuptova që edhe ata që do më shumë, mund të të braktisin”, ka thënë dikur.

    Figura e tij është lidhur shpesh me atë të Brigitte Bardot, por që ai s`ka pranuar asnjëherë se ishin në një lidhje. Pavarësisht skenave të seksit që kanë xhiruar, nuk i ka lidhur asgjë më shumë se sa puna dhe dashuria për kafshët, me të cilat sot Delon po shijon pasurinë e tij: me qen, mace, lepuj dhe kuaj.

    *Ky post u përshtat nga theman.today dhe është realizuar nga Fabjola Hije.

    Për t’u bërë pjesë e grupit "TiranaPost" mjafton të klikoni: Join Group dhe kërkesa do t’ju aprovohet menjëherë. Grupi Tirana Post