Tech

Samsung pa shef. Tjetër dorëheqje pas trashëgimtarit

Shefi ekzekutiv i Samsung Electronics, Kwon Oh-Hyun ka dhënë dorëheqjen për shkak të trazirave që ndodhën pas arrestimit të trashëgimtarit të Samsung Electronics. Kwon është një nga tre bashkëthemeluesit dhe drejtuesit ekzekutivë të Samsung. Dorëheqja e tij vjen në të të njëjtën ditë ku ndërmarrja parashikoi fitime marramendëse të periudhës tremujore që kur doli  telefoni Samsung i fundit. Kwon thotë se kishte kohë që e mendonte dorëheqjen e tij.

"Ndërsa ne jemi përballur me krizën e paprecedent brenda kompanisë, besoj se ka ardhur koha që kompania të fillojë sërish, me një frymë të re dhe udhëheqje të re për t'iu përgjigjur më mirë sfidave që dalin nga industria e IT-së që ndryshon me shpejtësi të madhe", tha ai në një deklaratë. Megjithatë, pavarësisht largimit nga posti, ai do mbetet në bordin e Samsung Electronics deri në mars të vitit 2018.

_98293348_gettyimages-657059098 (1)

Ryan Lim, partneri themelues i firmës së konsulencës teknologjike në Singapor, tha se Samsung është në një situatë krizash për udhëheqës të ri .

"Kjo duhet të zgjidhet së shpejti pasi mund të jetë shqetësuese të mos dimë se kush do jetë drejtuesi I ri në të ardhmen”. Në përgjigje të kritikave, një zëdhënës i Samsung tha për BBC se një pasardhës tjetër do emërohej së shpejti, por nuk mund të jepte një afat kohor. Samsung Electronics konsiderohet si xhevahir në Grupin Samsung, i cili përbëhet nga 60 kompani të ndërlidhura dhe është një nga bizneset familjare të Koresë së Jugut të njohura si 'chaebols'.

Në gusht, trashëgimtari i grupit Lee Jae-yong u dënua për ryshfet dhe korrupsion me pesë vjet burg. Lee është akuzuar për dhënien e donacioneve me vlerë 41 miliardë dollarë për fondacione jofitimprurëse të operuara nga Choi Soon-sil, një mik i ish presidentit të Koresë së Jugut Park Geun-hye, në këmbim të favoreve politike. Tiranapost.al E.B

Samsung's convicted boss, Lee Jae-yong

Lee