Aktualitet

Rrëzimi i avionëve, Shqipëria ndalon fluturimet e Boing 737-8 dhe 737-9 Max

Rrëzimi i avionëve, Shqipëria ndalon fluturimet e Boing 737-8 dhe

Edhe Shqipëria i është bashkuar vendimit të Agjensisë Evropiane të Sigurisë në Operim të Aviacionit, duke ndaluar fluturimin e avionëve Boing 737-8 dhe 737-9 Max, në hapësirën ajrore shqiptare.

Vendimi është marrë nga Autoriteti Civil Shqiptar pas aksidentit fatal të avionit tip Boeing 737 Max 8 të shoqërisë ajrore “Ethiopian Airlines”.

AAC informon qytetarët se në Aeroportin Ndërkombëtar “Nënë Tereza” nuk ka në operim asnjë avion të tillë, në asnjë nga linjat e programuara të fluturimeve.

"Për t’ju bashkuar nismës së EASA për këtë rast, AAC ka formalizuar lëshimin e një NOTAMi (lajmërimi për operatorët) nga ana e Albcontrol, i cili ndalon operimin e avionëve të këtij lloji në hapësirën ajrore shqiptare dhe Aeroportin Ndërkombëtar “Nënë Tereza”, për një kohë të pacaktuar, deri në direktivat pasuese të EASA, të cilat do të varen nga informacioni që do të vij nga hetimi i shkaqeve të aksidentit në Kenia,"-raporton Autoriteti Civil shqiptar.

Gjithashtu edhe Kosova mori të martën (12 mars) vendimin për anullimin e fluturimeve të avionëve./Tiranapost/A.C