AktualitetTe gjitha

Reagon Ministria e Arsimit për publikimin e tezës së matematikës: Prokuroria të nis hetimet


Deputeti i PD-së Luçiano Boçi ka deklaruar se teza e matematikës së maturantëve ka qarkulluar ndërsa po zhvillohej testimi. Për këtë ka reaguar Ministria e Arsimit e cila ka kërkuar që prokuroria të kryej hetimet  çështjen në fjalë.

Postimi i deputetit Luçiano Boçi në Facebook

Statusi  plotë i ministrisë:

Ministria e Arsimit, Sportit dhe Rinisë u informua nga rrjetet sociale dhe mediat online lidhur me publikimin e disa fotove nga Testi i Matematikes qe u zhvillua në të gjithë vendin nga ora 10:00 -12:30. Konkretisht nga adresat në Facebook e një qytetari dhe të një deputeti janë postuar, foto te testit te matematikës, ndërsa testimi po zhvillohej në të gjithë vendin.

MASR garanton publikun se ka marre çdo masë qe parashikon ligji për të garantuar fshehtësinë dhe integritetin e testeve të maturës në fazën e hartimit dhe shpërndarjes ne 38 DAR dhe ZA, 206 mjediset ku zhvillohet provimi për 37 mijë maturantë të cilët mbikëqyren nga rreth 4300 administratorë dhe monitorues.

Ministria e Arsimit, Rinisë dhe Sporteve e konsideron shkelje te rendë të ligjit Nr.69/2012 “Për sistemin arsimor parauniversitar në RSH” dhe të akteve nënligjore, kopjimin e plotë apo te pjesshëm si dhe shpërndarjen dhe publikimin e testit.

Për këtë arsye i kërkojmë organit të prokurorisë të fillojë hetimin e menjëhershëm të dy rasteve të bëra publike online, duke mundësuar vënien përball ligjit të shkelësve, kushdo qofshin ata.

 

* Ky post është publikuar në Tiranapost.al  nga  Anxhela Celibashi