Qëlloi me armë zjarri në ajër, arrestohet 29 vjeçari në Elbasan
E Martë 28 Mars 2017, 10:18
TiranaPost
Një 29 vjeçar është vënë në pranga nga policia pasi ka frikësuar banorët duke qëlluar me armë zjarri në ajër. Mësohet se Arsen Caka i ndodhur në fshatin Labinot–Fushë ka qëlluar në ajër me armë zjarri dhe më pas është larguar me shpejtësi duke mos iu bindur patrullës së policisë.
Ende nuk dihet arsyeja e këtij veprimi por brenda pak orësh policia e Elbasanit ka arritur ta identifikojë dhe arrestojë 29-vjeçarin. Në cilësinë e provës materiale u sekuestrua një automjet dhe 12 gëzhoja armë zjarri.
Materialet i kaluan Prokurorisë së Rrethit Gjyqësor Elbasan për veprime të mëtejshme./Copyright TiranaPost.al