• Shqip
  • English
  • E shtunë, 19 Tetor 2019
  • Shqip
  • English
  • Aktualitet Kryesore Të gjitha

    Policia i ndalon të dalin në det, protestojnë skafistët: Po na falimentoni


    Pas vdekjes së vajzës ruse në Ksamil si pasojë e përplasjes me një mjet lundrues, policia ka ndaluar qarkullimin e të gjitha këtyre mjeteve në det.

    Por kjo masë ka irrituar të gjithë pronarët e skafeve dhe të motorrëve të ujit, të cilët thonë se nëse respektojnë rregullat dhe kanë dokumentacionin e nevojshëm, policia duhet t’i lejojë të ushtrojnë aktivitetin e tyre. Ata thonë se ky është një biznes dhe me veprimin e saj policia po falimenton shumë persona të cilët punojnë vetëm në tre muajt e verës.

    “Kemi marrë lejet përkatëse, i kanë stacionet e motorëve të ujit, por nuk lejohemi të ushtrojmë aktivitetin tonë. Demi që na bëhet është shumë i madh”, thotë njëri nga pronarët.

    Gjithashtu pronarët e këtyre mjeteve thonë se nuk ka një urdhër me shkrim nga policia, por masa iu është komunikuar me gojë, që nëse do të dalin në det do t’u sekuestrohen mjetet./Tiranapost.al

    Reklamo biznesin tënd në TIP Na kontakto në [email protected]