Policia aksion blic, në “gjueti” të shoferëve të pabindur
Të gjithë drejtuesit e makinave duhet të bëjnë kujdes dhe të respektojnë rregullat e qarkullimit rrugor pasi duke filluar nga dita e sotme policia ka dalë në aksion për të ndëshkuar shoferët e pabindur.
Që prej orës 12:00 deri në orën 13:30 në të gjithë vendin pati një shtim të kontrolleve ku u angazhuan 1200 punonjës policie për të gjobitur drejtuesit që nuk përdorin rripin e sigurimit.
Ky aksion është ndërmarrë nga Policia e Shtetit për të ndërgjegjësuar shoferët të përdorin rripin e sigurisë me qëllim uljen e aksidenteve me pasojë vdekjen.
QARKU TIRANË:
350 punonjës policie në 45 pika kontrolli në Tiranë, Kamëz dhe Vorë
QARKU DURRËS:
120 punonjës policie në 30 pika kontrolli në Durrës, Shijak dhe Krujë
QARKU LEZHË:
100 punonjës policie në 30 pika kontrolli në Lezhë, Rrëshen, Laç, Shëngjin dhe Milot
QARKU SHKODËR:
80 punonjës policie në 30 pika kontrolli në Shkodër, Malësi të Madhe, Pukë, Koplik dhe Vaun e Dejës
QARKU KUKËS:
50 punonjës policie në 15 pika kontrolli në Kukës, Tropojë dhe Has
QARKU DIBËR:
50 punonjës policie në 15 pika kontrolli në Peshkopi, Burrel dhe Bulqizë
QARKU ELBASAN:
80 punonjës policie në 25 pika kontrolli në Elbasan, Cërrik, Gramsh, Belsh, Peqin, Librazhd dhe Prrenjas
QARKU KORÇË:
80 punonjës policie në 20 pika kontrolli në Korçë, Pogradec, Maliq, Bilisht, Ersekë dhe Leskovik
QARKU FIER:
80 punonjës policie në 22 pika kontrolli në Fier, Lushnjë dhe Ballsh
QARKU GJIROKASTËR:
60 punonjës policie në 16 pika kontrolli në Gjirokastër, Përmet,Tepelenë, Këlcyrë dhe Memaliaj
QARKU BERAT:
60 punonjës policie në 14 pika kontrolli në Berat, Kuçovë
QARKU VLORË:
90 punonjës police në 18 pika kontrolli në Vlorë, Himarë, Delvinë dhe Sarandë