• Shqip
  • English
  • E hënë, 17 Qershor 2019
  • Shqip
  • English
  • Politikë Të gjitha

    Negociatat/ Ruçi, Balla dhe Rudina Hajdari zbarkojnë në Holandë për të lobuar


    Vota e 19 qershorit në Këshillin e Ministrave të BE-së pritet të vendosë për hapjen e negociatave për vendin tonë. Ndaj politika shqiptarë ka intensifikuar takimet me ndërkombëtarët, për të rritur shanset që Shqipërisë t’i ndizet drita jeshile.

    Për të siguruar një dritë jeshile nga Mbretëria e Vendeve të Ulta, kryetari i Kuvendit Gramoz Ruci po kryen një vizitë tre ditore në Hagë, me qëllim bindjen e Holandës të votojë pro vendit tonë. Kujtojmë se në 16 prill Parlamenti holandez votoi për rikthimin e vizave për shqiptarët me pretendimin se numri i shqiptarëve të përfshira në veprimtari kriminale ishte rritur. Teksa ky votim nuk ka vënë ende në lëvizje asnjë mekanizëm të Bashkimit Evropian që mund të rrezikojë udhëtimin pa viza, Holanda do të duhet të marrë një vendim tjetër përcaktues për Shqipërinë.

    Ndaj kryeparlamentari Ruçi ka përcakuar një axhendë takimesh që fillojnë të hënën e mbarojnë të mërkurën, ku parashikohet një takim informativ me ish-ambasadorin holandez të OSBE në Tiranë Robert Bosch, i cili ka kundërshtuar Parlamentin e tij, duke thënë se shqiptarët nuk janë të gjithë kriminelë e nuk mund të futen të gjithë në një thes.

    Sakaq, mëngjesin e së martës, Gramoz Ruci do ta nisë me një takim me Kryetaren e Dhomës së Dytë të Parlamentit holandez, Kadija Arib. Ndërsa pasditen e së martës, kryeparlamentari shqiptari dhe delegacioni që e shoqëron atë, kryetari i grupit të PS-së Taulant Balla dhe kryetarja e grupit demokrat në Parlament, Rudina Hajdari do të zhvillojë një seancë dëgjimore me komisionin e Çështjeve evropiane, komision i cili do të përcaktojë vendimin e Holandës ndaj Shqipërisë.

    Të mërkurën, kryetari i Kuvendit do ta kohet me Kryetaren e Senatit Holandës, Ankie Brokers – Knol dhe me senatorë holandezë.

    Pavarësisht përpjekjeve të Shqipërisë, Holanda nuk do ta thotë fjalën e saj të fundit përpara se të dalë Raporti i Komisionit Evropian në 29 maj dhe vendimin përfundimtar do ta shohim në mbledhjen e Këshillit të Ministrave të Jashtëm të vendet të BE-së në 19 qershor. /Tiranapost.al/