• Shqip
  • English
  • E mërkurë, 19 Qershor 2019
  • Shqip
  • English
  • Lifestyle Nën lupën e Stela Sallakut Stil Të gjitha TIP top

    Nami u beftë, le të vishemi te gjitha me mini


    Të veshësh mini fustan për festa është bërë një gjë e zakonshme tashmë. Në mos mini fustan, mini fund po. Me një triko të leshtë me ngjyrat më festive të sezonit. Edhe dizajnerat sikur na kanë lexuar mendjen, se janë kursyer tek copat e fustaneve ca si shumë. Sa më i shkurtër aq më interesant dhe me stil. Po ju tregoj të preferuarit e mi, edhe pse mund të jem betuar se nuk vesh të shkurtra, këtë sezon festiv dua t’i provoj.

    (Foto nga Vogue)

    Me një fustan të tillë shkëlqen në çdo lloj eventi, si në Krishtlindje, Vit të Ri, apo mbrëmje me miqtë. Nuk është as i ekzagjeruar, madje ka një nuancë karamele. Ok, ndoshta të kishte pak më pak volum tek mëngët. Por gjithsesi është i bukur.

    (Foto nga Vogue)

    Ky është e kundërta e atij më lart. Harmonizimi i tylit me copën bazë të fustanit e bën të duket edhe chic, por edhe sensual.

    (Foto nga Vogue)

    Një nga fustanet që mund ta vishni me shoqërinë pasi të keni festuar me familjen. Unë do kisha zgjedhur ta vishja me çizme të gjata kamosh.

    (Foto nga Vogue)

    Meqë miti i të veshurit me të kuqe nga koka tek këmbët sikur po thyhet dalëngadalë, është koha të gjejmë ngjyra të tjera alternative që na nxjerrin në pah tiparet dhe sytë. Një blu cerulean do ishte zgjedhja ime e parë, e dyta jeshile smerald.

    (Foto nga Vogue)

    Është kategorizuar si fustani më i bukur i sezonit. Dhe kanë plotësisht të drejtë sepse që kur doli në pasarela dukej që do ishte një nga “must-et”.

    (Foto nga Vogue)

    Asimetrinë nuk e kemi vetëm tek veshjet e përditshme, por dhe tek fustanet e mbrëmjes. Dhe duken kaq bukur dhe me stil.

    (Foto nga Vogue)

    Nuanca më e bukur pas të zezës është pikërisht kjo. Është ngjyrë sekondare e cila krijohet nga bashkimi i blusë me të zezë dhe të verdhë. Ndaj është dhe kaq e veçantë. Dizajni është i viteve ‘90, patjetër i kanë shtuar plot detaje futuriste. Janë kategorizuar nga Vogue fustanet më “uau” të fundvitit, dhe unë s’kam se si të mos bie dakort./Tiranapost.al