Aktualitet

Mos e nënvlerësoni virusin! 472 raste të gripit në një muaj

Mos e nënvlerësoni virusin! 472 raste të gripit në një

Aktiviteti i gripit në vend paraqitet së fundmi në nivel mesatar, ndërsa infeksionet në rrugët e frymëmarrjes infeksionet akute respiratore të sipërme dhe të poshtme të sistemit ALERT, survejancës sentinel të sëmundjeve të ngjashme me Gripin, paraqiten në rënie. ISHP në një njoftim zyrtar jep përditësimin mbi situatën e gripit në vend, teksa sqaron se virusi që qarkullon në vendin tonë ashtu si në vendet Europiane dhe të Rajonit, është ai i gripit, nëntipi A/H1 pdm09. Nga periudha 1 Janar deri sot, në ISHP janë testuar 1050 mostra nga të cilat 472 ose 47% kanë rezultuar pozitive për virusin e gripit. Inspektoriati i Shëndetit Publik bën apel të mos nëvlerësohet e të shihet thjesht si virus sezonal që kalon, por të kryhen kontrolle, vaksinime dhe kujdes.

Njoftimi i plotë si më poshtë: 

Situata e Gripit në Shqipëri/ Informacion i përditësuar

??‍⚕️Instituti i Shëndetit Publik informon qytetarët se infeksionet akute respiratore të sipërme dhe të poshtme të sistemit ALERT, survejancës sentinel të sëmundjeve të ngjashme me Gripin, paraqiten në rënie dhe aktiviteti i gripit paraqitet me intensitet mesatar. Si në vendet Europiane dhe të Rajonit edhe në vendin tonë mbizotëron qarkullimi i virusit të tipit A, nëntipi A/H1 pdm09.

? Për periudhën 1 Janar – 1 Mars 2019 në ISHP janë testuar 1015 mostra nga të cilat 472 ose 47% kanë rezultuar pozitive për virusin e gripit.

Nga 472 mostrat, 374 janë me virusin A/H1pdm09, 42 mostra ose janë me virusin A/H3 dhe 56 mostra janë në virusin e tipit A (nëntipizimi është ende në proces)

? Instituti i Shëndetiti Publik bën apel të mos e nënvlerësoni gripin. Sa herë nuk ndjeheni mirë, konsultohuni me mjekun. Nëse keni vështirësi me frymëmarrjen, drejtohuni menjëherë tek mjeku. ??‍⚕️

? ISHP fton të gjithë qytetarët të informohen për kujdes ndaj gripit dhe të ftohtit në faqet zyrtare të këtij institucioni ku që prej fillimit të sezonit të gripit ka nisur sensibilizimin me këshilla dhe orjentim për periudhën e sezonit të gripit./ Tiranapost.al. E.B