• Shqip
  • English
  • E shtunë, 25 Maj 2019
  • Shqip
  • English
  • Aktualitet Të gjitha

    Mësoni oraret dhe ditët e lira për të bërë kontrollin teknik të makinës


    Qendrat e kontrollit teknik të makinave njoftojnë se do të jenë të hapura gjatë dy ditëve të pushimit zyrtar më 8 e 10 Dhjetor, ndërsa do të jenë të mbyllura vetëm në datat 25 dhjetor 2018, 1 dhe 2 janar 2019.

    Madje për të përballuar fluksin e madh të automjeteve që shumica e kanë në muajin dhjetorin kontrollin periodik, SGS njofton se të gjitha Qendrat e Kontrollit Teknik do të jenë në punë çdo ditë të javës, nga e hëna në të shtunën dhe çfarë është më e rëndësishmja do të punohet me orar të reduktuar edhe në ditë të diele (përkatësisht në datat 23 e 30 dhjetor).

    Kujdes! SGS ju kujton se oraret e sporteleve të taksave janë të ndryshme nga oraret e qendrave të kontrollit teknik, prandaj duhet të merren masa që pagesat e TVMP (dhe gjobave) të kryhen gjatë ditëve dhe orarit të tyre të punës. Mjetet që sillen për kontroll teknik pa dokumentacionin e duhur nuk do të mund të pranohen.

    Kompania SGS Automotive Albania do të testojë çdo mjet që do kërkojë shërbimin në qendrat tona të kontrollit, por ndërkohë u rikujton qytetarëve të bëjnë rezervimin online duke klikuar në ëëë.automotivealbania.sgs.com ose përmes telefonit në +355 (0)44 503 503.

    Më poshtë oraret, sipas ditëve përkatëse duke nisur nga data 8 dhjetor deri më 31 dhjetor:

    8 dhjetor (e shtunë) – nga ora 08:00 deri 13:00

    10 – 15 dhjetor (e hënë- shtunë) – nga ora 08:00 deri 17:00

    17 – 22 dhjetor (e hënë-shtunë)- nga ora 08:00 deri 17:00

    23 dhjetor (e dielë) – nga ora 08:00 deri 13:00

    24 dhjetor (e hënë) – nga ora 08:00 deri 17:00

    25 dhjetor (e martë) – pushim / mbyllur

    26 – 29 dhjetor (e martë – e shtunë) -nga ora 08:00 deri 17:00

    30 dhjetor (e dielë) – nga ora 08:00 deri 13:00

    31 dhjetor (e hënë) – nga ora 08:00 deri 17:00

    1 janar (e martë) – pushim / mbyllur

    2 janar (e mërkurë) – pushim / mbyllur/Tiranapost.al