• Shqip
  • English
  • E martë, 21 Maj 2019
  • Shqip
  • English
  • Amvisa Perfekte Lifestyle Të gjitha TIP top

    Mëngjesi aspak dembel i së dielës. Biskotat që të zgjojnë nga gjumi


    Derisa gjithë familja të zgjohet plotësisht, ti mund t’u përgatitësh surprizën e ëmbël të mëngjesit:

    Biskota me kafe dhe çokollatë. Edhe t’i ëmbëlsosh me çokollatë edhe t’i zgjosh nga gjumi me kafe. Vetëm për pak minuta dhe shtëpia do mbushet me aromë fantastike. Të gjithë do mblidhen në tryezë

     

    Përbërësit

    190 g miell

    35 g kakao

    115 g sheqer

    75 g sheqer kane

    110 g gjalpë

    150 g çokollatë e zezë

    1 vezë

    1 lugë kafe pluhur

    1/2 lugë sodë buke

    Sheqer pluhur

    Kripë

     

    Përgatitja

    Bashko miellin, kakaon, sodën dhe kripën. Përzieji mirë. Shkri kafen në një lugë ujë të nxehtë. Në një enë tjetër përziej dy llojet e sheqerit. Shto gjalpin e prerë në copa dhe përzieje mirë, derisa të kesh një përbërje të formuar nga kokrra. Shto vezën dhe pastaj kafenë. Shto miellin, çokollatën dhe vazhdo ta punosh brumin me rrahëse elektrike, derisa të formohet një masë homogjene. Në një tavë shtro letër kuzhine dhe hidh masën e përgatitur me lugë duke formuar biskota të ndara nga njëra-tjetra. Piqi në furrë të nxehtë 150 gradë për 15 minuta. Hiqi nga furra dhe lëri të ftohen pasi t’i kesh nxjerrë nga tava. Para se t’i servirësh spërkati me sheqer.