Me djathë kontrabandë në makinë, 32 vjeçari nga Tirana përfundon në pranga
Një 32 vjeçar nga Tirana ka përfunduar në prangat e policisë pasi u zbulua se kishte futur kontrabandë një sasi djathi që vinte nga Maqedonia e Veriut. Mësohet se 32 vjeçari me iniciale M.Z është arrestuar në Elbasan. Atij iu gjendën në makinë 142 koli me djathë kontrabandë. Për të riunpolicia ka publikuar dhe njoftimin e plotë me detajet nga kontrolli.
Njoftimi i Policisë:
Specialistët për Hetimin e Krimit Ekonomik e Financiar në Drejtorinë Vendore të Policisë Elbasan, arrestuan në flagrancë shtetasin:
M.Z., 32 vjeç, banues në Tiranë.
Në aksin rrugor Librazhd-Elbasan, shërbimet e Policisë kanë ushtruar kontroll në mjetin që drejtonte nga shtetasi M.Z.
Gjatë kontrollit Policia gjeti dhe sekuestroi në cilësinë e provës materiale 142 koli me djathtë. Nga veprimet e para hetimore dyshohet të jetë futur kontrabandë nga Maqedonia e Veriut
Materiale hetimore i kaluan Prokurorisë pranë Gjykatës së Shkallës Parë Elbasan, për veprat penale, "Tregtimi dhe transportimi i mallrave që janë kontrabandë", dhe "Fshehja e të ardhurave". /Tiranapost.al.
Sqarim: Fotoja cover ilustruese.