Xhamat të tregojnë më joshëse. Mjafton që të të mos nxjerrin në pah defektet. Disa sekrete në vockla për një look gjithmonë të përsosur
Nëse problemi është miopia, lentet e syzeve do të tentojnë ta zvogëlojnë edhe më syrin, prandaj që grimi i përditshëm duhet të jetë i tillë që të ndreqë edhe këtë lloj problemi. Prandaj nuk është e këshillueshme t’i theksoni konturet e syve me ngjyra të errëta dhe evitoni përdorimin e lapsit në brendësi të syrit. Në vend të këtyre, përdorni ngjyra të ngrohta dhe me dritë, të toneve mesatarisht të hapura. Nuk është gjithashtu i këshillueshëm përdorimi i tepërt i rimelit.
Në rastin e hipermetropisë, lentet do të zmadhojnë zonën poshtë gtyre, duke nxjerrë në pah problemet e lëkurës: rrudha, pore të zgjeruara, rrathë trë errët sysh... Prandaj duhet t’i kushtoni kujdes të veçantë aplikimit të krempudrës, duke e shumuar mirë për të evituar çdo teprim dhe kokrrizë të formuar. Nuk këshillohet përdorimi i ngjyrave të zbardhura apo me shkëlqim perle, preferohen dritëhije me tone më të theksuara. Mund të përdoret lehtësisht lapsi në brendësi të syrit. Rimeli duhet të aplikohet duke u nisur nga rrënja e qerpikëve. Nëse xhamat e syzeve janë më të errët, duhet padyshim të përdorni një grim më të dukshëm.
Për ato që përdorin lentet e kontaktit, është më mirë që ta bëjnë grimin pasi të kenë vendosur lentet më parë, duke bërë kujdes që pluhurat (tonet e dritëhijeve apo pudra) nëse bien të mos bëjnë pis lentet, sepse mund të shkaktojnë probleme me sytë. Dhe në këtë rast, për të njëjtën arsye, duhet shmangur përdorimi i lapsit në brendësi të qepallës së syrit.