SPORT

Mandzukic tek Manchester United që në janar

Mandzukic tek Manchester United që në janar

Juventusi dhe Manchester United kanë gjetur akordin për transferimin e Mario Mandzukicit në “Old Trafford” në merkaton e janarit. Kjo është ajo që shkruajnë mediet angleze, sipas të cilave kroati mund të kalojë në Angli që në muajin dhjetor për t’u përshtatur me ambientin e klubit nga Manchesteri.

Mandzukic ka përfunduar tërësisht jashtë planeve të Sarrit, pasi kroati nuk u përfshi as në listën e lojtarëve të cilët kanë të drejtë të luajnë në Champions League.

Transferimi i kroatit në Premier League pritet të kryhet mbi bazën e 11.5 milionë eurove, që do të shkojnë në arkat e bardhezinjve. /XH.K