Makina del nga rruga dhe përfundon në kanal, humb jetën i riu
(Foto ilustruese)
Një aksident me pasojë vdekjen ka ndodhur mëngjesin e sotëm në Mallakastër. Një 27-vjeçar ka humbur jetën pasi automjeti të cilin ai drejtonte doli nga rruga dhe përfundoi në kanal.
Viktima është identifikuar si Pajtim Zotaj. Ai ndërroi jetë rrugës për në spitalin e Fierit, ndërsa është lënduar pasagjeri Agim Zotaj, 31-vjeç.
Njoftimi i Policisë:
Në datën 19.09.2018, rreth orës 08:15, në fshatin Aranitas, Mallakastër, shtetasi P.Z, 27 vjeç, banues në Ballsh, duke drejtuar mjetin tip "Opel" ka humbur kontrollin e drejtimit të mjetit dhe ka dalë nga rruga.
Si pasojë e daljes nga rruga ka ndërruar jetë drejtuesi i mjetit, rrugës për në Spitalin Rajonal Fier si edhe ndodhet nën kujdesin e mjekëve pasagjeri në këtë mjet, shtetasi A.Z, 31 vjeç.
Grupi hetimor po punon për zbardhjen e plotë të ngjarjes./ Copyright Tiranapost.al