Aktualitet

‘Gimi është si puna ime’, Basha poston video dhe vijon akuzat për Ramën dhe Ballukun në lidhje me rastin Kajmaku

'Gimi nuk është doktor shkencash, është si puna ime'. Kjo fjali mund të vendosë në pozitë kryeministrin nëse akuzat e PD do përfundojnë të vërtetuara edhe për kryebashkiakun e Vorës siç ndodhi me rastin e Valdrin Pjetrit në Shkodër. Lulzim Basha me një video nga fushata shtoi presionin sot mbi kryeministrin se po fsheh e po mbron një person me dosje penale në Greqi. Akuzat shkojnë edhe për ministren Belinda Balluku.
‘Gimi është si puna ime’, Basha poston video dhe vijon

Postimi i Bashës: 

Edi Rama është kërcënim dhe rrezik për jetën dhe sigurinë e çdo familje shqiptare! Ai ka kapur dhunshëm çdo pushtet me ndihmën e një bandë kriminelësh e hajdutësh me të cilët vjedh Shqipërinë.

Njëlloj si me Valdrin Pjetrin, Edi Rama e di se Agim Kajmaku i Vorës ka falsifikuar formularin e dekriminalizimit! Hajduti Psiqik e di se i përzgjedhuri i tij për Vorën ka probleme të hapura me drejtësinë greke, dhe se ai e ka fshehur të vërtetën.

Por Edi Rama, përmes Belinda Ballukut, vendosi veton dhe injoroi kërkesën e socialistëve të Vorës para 30 Qershorit që të mos kandidonte një person për të cilin e gjithë Vora e di se ka probleme të hapura me drejtësinë greke.

Jorgo Kajmaku duhet të largohet dhe të merret menjëherë i pandehur sepse ka shkelur Ligjin e Dekriminalizimit dhe ka fshehur të dhënat mbi të kaluarën e tij. Ai duhet të përballet edhe me drejtësinë greke të cilës i është fshehur prej vitesh! Por sërish Edi Rama e mbron Jorgo Kajmakun nga zbatimi i Ligjit të Dekriminalizimit, me anë të prokurorisë së korruptuar dhe politizuar.

Por sa kohë Edi Rama është në zyrën e kryeministrit, nuk do të ketë as drejtësi dhe as demokraci, banditët, kriminelët dhe hajdutët do të vjedhin dhe dhunojnë shqiptarët.

Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!#HajdutiPsiqik #RamaIk #ShqipëriaSiEuropa

https://www.facebook.com/lulzimbasha.al/videos/365305857715423/

http://www.tiranapost.al/dokumenti-pas-valdrin-pjetrit-pd-kerkon-te-verifikohet-nje-tjeter-kryebashkiak-i-ps-i-denuar-ne-greqi/