Lobimi rus në SHBA me 650 mijë euro: Prokuroria apelon vendimin e gjykatës që nxori Bashën të pafajshëm
Prokuroria ka apeluar vendimin e Gjykatës së Tiranës, që pushoi çështjen e lobimit rus, me të pandehur kreun e PD-së Lulzim Basha, Arben Ristanin dhe Ilir Dervishin.
Apeli vjen dy javë pasi gjyqtari Lazër Sallaku vendosi pushimin e çështjes, me pretendimet se deklarimet e Nick Muzin për paratë e marra nga PD, rreth 650 mijë euro nuk janë të bazuara me fakte dhe prova.
Ky vendim shkaktoi reagime të shumta nga PS, njëjtë si me çështjen e CEZ ku i njëjti gjyqtar pushoi çështjen, ndërsa PS paralajmëroi se do të apelojë.
Pritet nëse apeli do të pranohet e ndërkaq, Basha dhe zyrtarët e tjerë në PD e kanë quajtur një çështje me akuza të pabaza të montuara politikisht.
Basha dhe dy zyrtarët e tjerë, akuzoheshin për falsifikim dokumentesh.
Gazeta gjermane Bild, publikoi një artikull ku pretendohej se këto para ishin përdorur për lobim kundër negociatave të Shqipërisë me BE-në, por ky artikull u fshi një ditë më pas. / Tiranapost.al.
http://www.tiranapost.al/pse-u-pushua-ceshtja-ndaj-bashes-vendimi-nick-muzin-thote-se-ka-marre-nga-pd-500-mije-por-ska-prova/
http://www.tiranapost.al/fbi-nis-hetimet-ndaj-nick-muzin-lobistit-amerikan-te-lulzim-bashes/
http://www.tiranapost.al/lobimi-rus-i-pd-se-gjykata-pushon-ceshtjen-ristani-ishte-e-montuar-politikisht-por-cfare-ndodh-nese-deshmon-nick-muzin/
http://www.tiranapost.al/lobimi-rus-ne-shba-balla-pse-mungon-akuza-e-dyte-kunder-bashen/