Kujdes! Mund të përfundosh kështu ti që punon në zyrë, ekspertët paralajmërojnë
Miliona punonjës të zyrave janë në rrezik nga probleme të rënda shëndetësore, përfshirë deformimet në shpinë, nëse nuk bëjnë diçka tani. Ekspertët për mediat britanike, për të ilustruar rrezikun që u kanoset atyre që qëndrojnë me orë të tëra ulur në zyrë, kanë prodhuar përmes një sistemi kompjuterik modelin Emma, se do dukej pas 20 vitesh duke punuar në zyrë.
Më shumë se nëntë në dhjetë punonjës në zyrat britanike po vuajnë nga shëndeti i dobët për shkak të mënyrës së si punojnë, dhe ambientit. William Higham, ekspert i sjelljeve dhe shëndetit të punonjësve thotë se të gjithë duhet të adresojnë problemet e tyre në vendet e punës.
Ai ka publikuar një raport të quajtur: Kolegu i punës në të ardhmen, me rekomandime se si të qëndrojmë ulur me shpinën drejt, si të shkëputemi herë pas herë duke qëndruar në këmbë, të ruajmë distancë nga ekrani i kompjuterit, të largojmë sytë nga ekrani çdo 5 minuta, dhe të mbështesim duart drejt kur shkruajmë në tastierë.
Modeli Emma u prodhua bazuar në studimet dhe gjetjet e tij, ku mes të tjerash flet për dëmtim të shpinës, deformim, varice, stomak i acaruar, tharje e syve nga orët e tepërta para kompjuterit, lëkurë e dehidratuar, presion në vesh, probleme me frymëmarrjen nga cilësia e dobët e ajrit dhe ekzema e shkaktuar nga stresi.
Pas një sondazhi të realizuar në Angli, rezultoi se 50% e punonjësve në zyra ankoheshin për sy të lodhur, 45% për dhimbje të shpinës, 48 % me dhimbje koke dhe në përgjithësi të gjithë të stresuar./ Metro/ Tiranapost.al. E.B