Aktualitet Politikë Te gjitha

KQZ shpërndan fondet për zgjedhjet e 30 qershorit, sa para do të marrin partitë


Komisioni Qendror i Zgjedhjeve ka vendosur shpërndarjen e fondeve për partitë politike që do të marrin pjesë në zgjedhjet vendore të 30 qershorit.

Janë 190 milionë lekë nga buxheti i shtetit që do të shpërndahen për partitë, ku pjesën më të madhe e marrin PS dhe PD, përkatësisht 86 dhe 52.8 milionë lekë.

LSI, si forca e tretë politike do të përfitojë mbi 27 milionë lekë. Më pas vijnë PDIU me 10 milionë, socialdemokratët me rreth 7 milionë lekë.

Bazuar  në Kodin Zgjedhor, partitë politikë përfitojnë financa nga taksapaguesit, për zhvillimin e fushatës zgjedhore.

Si ndahen fondet

Partia Socialiste e Shqipërisë – 86.065.992 lekë

Partia Demokratike e Shqipërisë – 52.808.975 lekë

Lëvizja Socialiste për Integrim – 27.160.224 lekë

Partia Drejtësi, Integrim dhe Unitet – 10.107.290 lekë

Partia Socialdemokrate e Shqipërisë – 7.286.685 lekë

Lista e Barabartë – 6.570.833 lekë./Tiranapost/A.C

.