• Shqip
  • English
  • E mërkurë, 18 Shtator 2019
  • Shqip
  • English
  • Aktualitet Të gjitha

    Korrupsioni me Çapjat/ Ish-anëtarja e AMA-s në arrest shtëpie, jepen masat edhe për të tjerët


    Ish anëtarja e AMA-s, gazetarja Suela Musta, 40 vjeç ka marrë sot masën nga Gjykata e Elbasanit, duke u lënë në arrest shtëpie. Musta akuzohet për korrupsion, mes dyshimeve se ka dhënë një licensë në kundërshtim me ligjin. Ndërkohë sot Gjykata dha masat edhe për të arrestuarit e tjerë.  Ndalimet erdhën pas finalizimit të operacionit të njohur me emrin Operacioni Krasta.

    Image result for Suela Musta

    Operacioni “Krasta” u finalizua pas disa viteve hetime dhe përgjimesh nga të cilat u mundësua dokumentimi edhe i tri ngjarje kriminale të ndodhura vite më parë në Elbasan. Të implikuar janë pjesëtarë nga fisi Çapja në lidhje me hakmarrjet me familjen Mema dhe gjithashtu u zbulua dhe rasti i korrupsionit i kryer nga punonjës shtetërorë të Autoritetit të Mediave Audiovizive, ku për pasojë çoi në pranga 7 persona, mes të cilëve dy gazetarë.

    Kujtojmë se gjatë operacionit të koduar “Krasta” u arrestuan 9 persona dhe Florenc Çapja, një emër i ky i njohur në botën e krimit. Ai u prangos për akuzën e tentativës së vrasjes të ndodhur 13 vite më parë në qytetin e Elbasanit, ku u vra ish-polici Fadil Mema.

    Masat e sigurisë për të tjerët janë: 

    Endri Çopja, 30 vjeç, lindur dhe banues në Elbasan

    Për Bledar Karaj, arrest me burg , lindur dhe banues në Elbasan

    Për Adem Boriçi, 61 vjeç, arrest shtepie lindur e banues në Elbasan

    Për Andrea Nathanaili, 67 vjeç, arrest me burg ,lindur Sarandë dhe banues në Tiranë

    Për Suela Musta, 40 vjeç, arrest shtepie,lindur dhe banues në Tiranë

    Për Izmir Hajdari, 51 vjeç, arrest me burg lindur dhe banues në Tiranë

    Për Artan Drazhi, 34 vjeç, arrest me burg lindur dhe banues në Elbasan

    Për Ervin Tahiri, 40 vjeç, arrest me burg lindur dhe banues në Tropojë

    Deklarata e plotë e policisë, ditën e premte. 

    Finalizohet operacioni policor “KRASTA” Zbardhen dhe dokumentohen me prova ligjore tre ngjarje kriminale të ndodhura më parë. Goditete edhe një rast korrupsioni i kryer nga punonjës shtetërorë të Autoritetit të Mediave Audiovizive dhe të sektorit privat Sekuestrohen një sërë sendesh të kundërligjshme

    Më datë 14.06.2019, në kuadër të operacionit “FORCA E LIGJIT”, nga Njësia Hetimore pranë Task Forcë Speciale Qëndrore, në Departamentin e Policisë Kriminale, në Drejtorinë e Përgjithshme të Policisë së Shtetit, Drejtoria Vendore e Policisë Elbasan, pas një hetimi një vjecar, në bashkëpunim më Prokurorinë e Rrethit Gjyqësor Elbasan, forcat speciale RENEA, FNSH, sot në orët e para të mëngjesit kanë zhvilluar operaciopnin policor të koduar “KRASTA”, për të bërë të mundur ekzekutimin e vendimeve të Gjykatës së Rrethit Gjyqësor Elbasan të masave të sigurimit personal “Arrest me Burg” dhe kontrollin e banesave e ambienteve për llogari të hetimeve të procedimeve penale të rifilluara si më poshtë vijon :

    1.Procedimit Penal nr 40 të vitit 2006, i rregjistruar për veprat penale të “Vrasjes me paramendim mbetur tentativë”, “Mbajtjes pa leje armëve dhe municionit luftarak” parashikuar nga nenet 78-22, 278/2 të Kodit Penal, që bën fjalë për tentativën e vrasjes së shtetasit F.M, ngjarje e ndodhur më datë 30.01.2006 në Elbasan.

    2.Procedimit penal nr 1121/2012, i rregjistruar për veprat penale të “Vrasjes në rrethana cilësuese e kryer në bashkëpunim”, “Mbajtjes pa leje të armëve dhe municionit luftarak” parashikuar nga nenet 79/dh-25, 278/2 të Kodit Penal, që bën fjalë për vrasjen e shtetasit G.B (alias A.M) dhe të babait të tij shtetasit N.B, ngjarje e ndodhur më datë 15.08.2012, në lagjen “Çlirimi” Elbasan.

    3.Procedimi Penal nr 627-2013, i regjistruar për veprat penale të “Heqjes së paligjshme të lirisë”, “Plagosjes më dashje”, “Mbajtje pa leje te armëve dhe municioneve luftarake” parashikuar nga nenet 88, 110/2, 278/2 të Kodit Penal, ngjarje e ndodhur në datë 19.04.2013 në qytetin e Elbasanit.

    Si rezultat i hetimeve intensive për këto ngjarje të kryera nga kjo njësi në bashkëpunim me Prokurorinë e Rrethit Gjyqësor Elbasan, është bërë e mundur që të tre këto ngjarje të zbulohen dhe të dokumentohen me prova ligjore, dhe konkretisht :

    Për Procedimin Penal nr. 40 viti 2006 nga hetimet e zhvilluara ka rezultuar se, autor i kësaj ngjarje është shtetasi :

    1.F.Ç, 38 vjeç, lindur dhe banues në Elbasan lagjia “Emin Matraxhiu”. Për këtë shtetas u bë ekzekutimi i vendimit të Gjykatës së Rrethit Gjyqësor Elbasan, me vendimin nr. 477 datë 11.06.2019, per të cilin ishte caktuar masa e sigurimit “Arrest me burg” i dyshuar për veprat penale të “Vrasjes me paramendim të mbetur tentativë” dhe “Mbajtjes pa leje të armëve dhe municioneve luftarake”.

    Për Procedimin Penal nr. 627 viti 2013 nga hetimet e zhvillura ka rezultuar se, autorë të kësaj ngjarje janë shtetasit :

    1.M.L (alias S.Ç), 31 vjeç, lindur dhe banues në Elbasan “Lagjia 5 Maji”, aktualisht person i shpallur në kërkim për një tjetër vepër penale.

    2.E.Ç, 30 vjeç, lindur dhe banues në Elbasan, aktualisht i ndaluar për një vepër tjetër penale dhe vendimi ndaj këtij shtetasi u ekzekutua në ambientet e IEVP Elbasan.

    Për Procedimin Penal nr. 1121 viti 2012 nga hetimet e zhvillura ka rezultuar se autorë të kësaj ngjarje janë shtetasit:

    2.E.B, 38 vjeç, lindur në Kavajë dhe banues në Elbasan, “Lagjia Shënkoll”, i cili është shpallur në kërkim.

    3.E.C, 28 vjeç, lindur dhe banues në Elbasan “Lagjia Çlirimi” i cili është shpallur në kërkim.

    Në kuadër të hetimeve të kryera mbi Proçedimin Penal nr 627 viti 2017, është bërë e mundur të dokumentohet aktiviteti jashtëligjshëm në lidhje me disa veprime korruptive, të kryera nga punonjës shtetërorë të Autoritetit të Mediave Audiovizive dhe të sektorit privat.

    Si rezultat i hetimeve u arrit që përmes provave ligjore të dokumentohej aktivitetit korruptiv i shtetasve të mëposhtëm, si dhe u ekzekutuan vendimet e Gjykatës së Rrethit Gjyqësor Elbasan për të cilët është caktuar masa e sigurisë “Arrest me Burg” për veprat penale :

    “Korrupsioni aktiv i personave që ushtrojnë funksione publike”,

    “Korrupsioni aktiv i funksionarëve të lartë shtetërorë ose të zgjedhurve vendorë” dhe “Shkelja e të drejtave të pronësisë industriale” parashikuar nga nenet 244, 245/1,2, dhe 149/a,

    1.B.K, 39 vjeç, lindur dhe banues në Elbasan,

    2.A.B, 61 vjeç, lindur e banues në Elbasan.

    3.A.N, 67 vjeç, lindur Sarandë dhe banues në Tiranë.

    4.S.M, 40 vjeç, lindur dhe banues në Tiranë.

    5.I.H, 51 vjeç, lindur dhe banues në Tiranë.

    6.A.D, 34 vjeç, lindur dhe banues në Elbasan,

    7.Sh.S, 38 vjeç, lindur dhe banues në Labinot Mal-Elbasan, i cili u shpall në kërkim

    8.E.T, 40 vjeç, lindur dhe banues në Tropojë,

    Në vijimi të ekzekutimeve të vendimeve për kontrollet e banesave dhe ambienteve, janë gjetur e sekuestruar në cilësinë e provës materiale sendet si më poshtë:

    Revolver “Nagant” me mulli , me gjashtë fishekë, kalibër 9 mm.

    Pistoletë gjysmë automatike e markës “Zoraki”, me gjashtë fishekë, kalibri 7.65 mm

    Një krehër pistolete TT, me katër fishekë, model 54.

    26 copë fishekë, model 54.

    4 jelekë antiplumb

    Një shkop metalik nga ata me hapje me stampo police USING

    Një portofol lëkure me stampe policia e shtetit.

    7 palë targa automjetesh, shqiptare dhe të huaja.

    4 radio marrëse dhe dhënëse

    Një peshore elektronike

    735 gr lëndë narkotike e dyshuar marijuanë, e paketuar në atë formë e përgatitur për tu tregtuar.

    telefona celular ( smartfona dhe të thjeshtë), dhe një prej tyre satelitor.

    Gjithashtu nga kontrollet e banesave si rezultat i sendeve të paligjshme të gjetura në banesa është bërë dhe arrestimi në flagrancë i shtetasve:

    H.Gj (S), 40 vjeç, për veprat penale “Mbajtje pa leje dhe prodhimi i armëve, lëndëve shpërthyese dhe i municionit”, “Prodhimi, mbajtja dhe shitja pa leje e armëve të ftohta”, dhe “Mbajtja pa të drejte e uniformës”, vepra të parashikuara nga nenet, 278, 279 dhe 247 të Kodit Penal.

    Si dhe është shpallur në kërkim shtetasi Q.H, 25 vjeç, për veprat penale “Prodhimi dhe shitja e Narkotikëve” vepër e parashikuar nga neni 283 i Kodit Penal.

    Në përfundim ju bëjmë me dije se vijojnë hetimet intensive në lidhje me një numër ngjarjesh të vjetra të ndodhura në Qarkun e Elbasanit dhe Tiranës, duke bashkëpunuar me autoritet e Prokurorisë së Rrethit Gjyqësor Elbasan./ Tiranapost.al E.B

    Reklamo biznesin tënd në TIP Na kontakto në [email protected] ose 068 408 1690