• Shqip
  • English
  • E premte, 22 Nëntor 2019
  • Shqip
  • English
  • Botë Të gjitha Tech

    Kongresmenja amerikane Ocasio-Cortez e bën të flasë me vete Mark Zuckerberg: Më thuaj po ose jo? Do t’i bllokosh gënjeshtrat?


    Lejimi i mashtrimeve nga politikanët dhe sponsorizimi i tyre në Facebook është një nga debatet më të rëndësishme të momentit. Themeluesi i medias social, Mark Zuckerberg, nuk ka ndërmend të tërhiqet nga vendimi që ka marrë bordi drejtues i Facebook për të lejuar politikanët të postojnë reklama politike, që pretendohet se janë mashtrime ose false.

    Ai u mor në pyetje nga kongresmenja Alexandria Ocasio-Cortez për këtë vendim: nëse do t’i fshijë përmbajtje politike të gënjeshtërta apo jo?

    Dhe përgjigjja që mori pas shumë këmbënguljesh ishte se gjithçka varet nga përmbajtja, por anonte nga “Jo”-ja.

    Debati:

    Ocasio-Cortez: Ju nuk do të kontrolloni faktet në reklamat e mia?

    Zuckerberg: Nëse dikush duke përfshirë një politikan, thotë gjëra që mund të shkaktojnë dhunë ose mund të rrezikojnë dëmtime të dukshme fizike ose shtypjen e votuesve, do ta heqim atë përmbajtje.

    Ocasio-Cortez: Kështu që do t’i fshini – ka një prag sesi kontrolloni faktet në reklamat politike. Është kjo ajo që po më thoni?

    Zuckerberg: Po, për gjëra specifike si ajo nëse ekziston rreziku për cenime.

    Ocasio-Cortez: A shikoni ndonjë problem të mundshëm këtu me mungesën e plotë të kontrollit të fakteve në reklamat politike?

    Zuckerberg: Mendoj se gënjeshtra është diçka e keqe. Mendoj që nëse do të shpërndanit një reklamë që kishte një gënjeshtër do të ishte e gabuar. Kjo është diferenca nga të qenit në pozicionin tonë, gjëja e duhur për të parandaluar votuesit tuaj në zgjedhje është që të shohin se keni gënjyer.

    Ocasio-Cortez: Do t’i fshini apo jo gënjeshtrat? Është një pyetje shumë e thjeshtë. Po flas për dezinformimin.

    Zuckerberg: Në shumicën e rasteve, në një demokraci besoj se njerëzit duhet të jenë në gjendje të shohin vetë se cilët politikanë mund të votojnë apo jo. Varet nga përmbajtja./ The Independent/ Tiranapost.al

    Për politikanët që mashtrojnë në Facebook, Mark Zuckerberg ka marrë një vendim (por s’do t’ju pëlqejë)

    Për t’u bërë pjesë e grupit "TiranaPost" mjafton të klikoni: Join Group dhe kërkesa do t’ju aprovohet menjëherë. Grupi Tirana Post