• Shqip
  • English
  • E premte, 19 Korrik 2019
  • Shqip
  • English
  • Amvisa Perfekte Lifestyle Receta e ditës Showbiz Të gjitha TIP top

    Kjo ëmbëlsirë e Linda Fishtës që nuk piqet në furrë, është fiks ajo që na duhet në këtë vapë


    Mos prit fundjavën për të shpërkatur shtëpinë me aromë të mirë limonësh. Linda Fishta zbuloi recetën e një ëmbëlsire australiane “Lemon coconut slices” që nuk kërkon as pjekje, por që është fiks nga ato për verë.

    Përbërësit për tavë drejtkëndëshe 25×25 cm:

    250 g biskota të thata “Oro Saiwa” ose “Petit Beurre”

    40 g arrë kokosi e grirë (miell kokosi)

    lëkura e grirë në rende e 1 limoni organik

    1 kuti qumësht i kondensuar (panda)

    50 g gjalpë shumë i butë, si krem

    1 lugë lëng limoni

    Për glasenë sipër:

    280 g sheqer pluhur

    2-3 lugë lëng limoni

    lëkurën e grirë në rende të 1 limoni organik

    50-60 g gjalpë i butë, si krem, në temperaturë ambienti

    2-3 lugë arre kokosi e grirë, për t’ia hedhur sipër

    Përgatitja e bazës:

    1. Në një mikser, grijmë biskotat e i bëjmë si pluhur ose i fusim në një qese, të cilën e lidhim mirë dhe i shtypim me rrahësen e mishit ose me fundin e një gote. I hedhim në një tas dhe i përziejmë me arrën e kokosit.
    2. Në një tas tjetër, përziejmë gjalpin me qumështin e kondensuar, lëngun dhe lëkurën e limonit. Shtojmë pluhurin e biskotave dhe i përziejmë me spatul ose me lugë druri. E hedhim brumin e përftuar në tavën ku kemi shtruar letër furre, lagim duart dhe e shtypim mirë me dorë për të krijuar një bazë sa më të drejtë, e lëmë te ngrirja në frigorifer për 30 minuta ose në frigorifer për 1 orë.

    Përgatitja e glasesë: përziejmë me pirun sheqerin pluhur me lëngun e limonit, lëkurën e limonit dhe gjalpin.

    E shpërndajmë mbi ëmbëlsirën kur ajo të ketë arritur kohën e ftohjes, e spërkasim sipër me arrë kokosi dhe ëmbëlsira është gati për t’u shërbyer në kuadrate.

    Është më e mirë të nesërmen. E ruajmë në frigorifer.

    Shënim: nëse zëvendësojmë biskotat me ato pa gluten, mund të konsumohet dhe nga personat që janë intolerantë ndaj glutenit.

    Linda Fishta, foto nga Instagrami

    *Ky post është realizuar nga Fabjola Hije marrë nga Linda Fishta