• Shqip
  • English
  • E shtunë, 19 Tetor 2019
  • Shqip
  • English
  • Botë Të gjitha

    Katër kompani ndërkombëtare nisin shpimet për gaz në detin Jon


    Kompanitë, “Total”, “ExxonMobil”, “Repsol” dhe “ELPE”, kanë marrë zyrtarisht aprovimin e qeverisë greke për kërkimin dhe shfrytëzimin e hidrokarbureve në detin Jon. Ky projekt i është dorëzuar parlamentit grek nga Ministria e Mjedisit dhe Energjisë së shtetit fqinj, e cila ka vendosur t’i japë me koncension këto zona detare.

    Konkretisht për zonat e detit Jon jepen për ratifikim kontratat e nënshkruara në prillin e këtij viti, midis Shtetit Grek dhe Konsorciumit Repsol-Hellenic Petroleum. Në këto kërkime do të investohen 140 milion euro. Sipas qeverisë greke kërkimi dhe shfrytëzimi i hidrokarbureve do ta bëjë Greqinë një fuqi ndërkombëtare në këtë fushë.

    Për dy zona detare, pranë Kretës janë dhënë për ratifikim dy kontratat e nënshkruara në qershorin e kaluar midis shtetit grek dhe konsorciumit Total, “ExxonMobil” dhe “Hellenic Petroleum”. Kjo dhënie me koncesion vlerësohet nga Athina zyrtare, se do të rrisë rolin e Greqisë në Rajon dhe në botë, përsa i përket kërkimit dhe shfrytëzimit të hidrokarbureve.

    Nafta dhe gazi natyror që do të shfrytëzohen në zonat në fjalë, pritet të sjellin fitime deri në 3.5 trilion dollar në dy dekadat e ardhshme, ku rreth 600 mld dollarë do ti përfitojë shteti grek./Tiranapost.al

    Reklamo biznesin tënd në TIP Na kontakto në [email protected]